Kapällä Vörig

Dä Chessäl staht im Näbäl – D’Kurvä singt im Chor

Ä Choreo zum stunä – s’chunt mär heimisch vor

Dank Vortrunk in stimmig – für ä grossi Schlacht

Äs isch hüt meh als nur äs Spil – äs sind ganz vil Gfühl

 

Äs uf und ab – so muäs äs wohl si

Jedi Saison ä neus Läbä – und irgändwänn isch au das väbi

Wänn s’Glück eus hüt im Stich laht – dänn sparätmärs halt uf

Chum jetzt machämär no einä innä – Hüt wämmär gunnä

 

Jetzt pfift doch de scho ab - was isch gsi, isch gsi

Chum riis di zämä - de Match isch verbi

Roll d’Fahnä wiedär i – ja, das Gool hät nöd müssä si

Chum de abig schluckädmär abä – di chli Freud muss si

 

Äs uf und ab – s’muäs wohl so si

Dä Schiri isch doch än Löli - de macht sich hüt au gschidär chli

Wi het das nur chönä passierä – wiso het de Goli nur de Bölä inälah

Nei besser wird’s hüt nümmä – chasch nöd immer günnä

Chasch ja nöd immer günnä

 

Äs uf und ab – äs isch wohl immer so gsi

Äs S’Läbä isch winän Böllä – mängisch glitschig und chli

isch ja alläs nur äs Spil – und mängisch ä Lotterie

Nei besser wird’s hüt nümmä - chasch nöd immer günnä

​