Kapällä Vörig

Ja hüt wird g’chifläd dä ganzi Tag, wegä nüt äs Gschiss abglah

Ich wot in Nordä, du uf Italia

Du liäbsch Pasta und ich Spaghetti, gömmär go cämpä oder inä wellness chetti

Mir chönt’s usjassä oder cheglä doch diä Reglä

Äs ewigs diskutierä, ändlosäs lamentiärä

 

Drum simmär froh isch Ostärä, d’löösig isch än Knall - Eiertütschä, das chönd all

 

Und plötzlich du dänn seisch, wiisi Schoggi findsch än Seich

ässä würsch nur bruuni, Kafi nur vom Clooney

So isch äs dänn passiert, Striit um d’Nästli eskaliert

Dur’t Luft im Wahn, flügt Ei und Marzipan

Ja so stigäd mir in Ring, Seilziä, roti Grind

Doch plötzlich stop, besinnä, ich gang i mich innä

 

Dänn fallt mir i s’isch Ostärä, d’löösig isch än Knall - Eiertütschä, das chönd all

 

So chauf ich mir äs Set, Maggi / Aromat

Und 4 Eier, im Bio Format

Mit äm Füdli grindsvora oder mit Grind am Arch verbi

Wähl ich mit bedacht, di richtig Strategie

S’guätä bi dem Spil, das wämmär nöd vergässä

Dä Verlürär het au gunnä, dänn er het öpis z’ässa

 

Drum simmär froh s’isch Ostärä, d’löösig isch än Knall - Eiertütschä, das chönd all

Ja weisch mal nümmä wiitär – dänn hilft uf jedäfall - Eiertütschä, dänn das chönd all

Eiertütschä, das chönd all