Kapällä Vörig

Ändlos Gschichtä wi diä vom Willi und vom Max

Diä händs Bündeli packt und sind ab id Stadt

Um i dä Anonymität ihrä Rägäbogä z’gnüssä

 

Ändlos Gschichtä wi diä vom Susi und vom Heinz

50jahr Zollstrass und mit Ussicht uf d’Gleis

Pändler, Party, TGV, händ di käs dihei?

 

Ändlos vil Gschichtä schribt di Stadt

Lettä, Gumischroot, Helsinki-Bar

Di schönschtä Gschichtä schribt di Stadt

Am Zürihorn hängä ohni Plan

 

Ändlos Gschichtä ja vom Zwingli bis zum Jetzt

Vom neuä Stadion wo eifach nöd wet

Vo Weihnachtsmärt, Glüäwi-stand und spat is Bett

 

Ändlos Gschichtä ja vo Sieg und Niederlag

Baustellä-Terror und vom Einbahnstrass-Salat

Vo Harakiri am Üetliberg und e-Biker Plag

 

Ändlos vil Gschichtä schribt di Stadt

Vo Zuki, Palais X-tra, elLokal

Di schönschtä Gschichtä schribt diä Stadt

I dä Limmat inä tribä z’mitzt am Tag

 

Ändlos Gschichtä -  um’s Tschuttä und um’s Gäld  

Händ eusä Namä usätreit i alli Wält

Vorhang uf, Augä zuä, alls isch erlaubt

 

Ändlos Gschichtä, ja vom Pfahlbau bis zu hüt

Vo Schwelläruädi Hügel und vom Schuäl Container Tic

Vo Geschnätzläm mit Rösti am Mittagstisch

  

Ändlos vil gschichtä schribt di Stadt

Frauäbadi, Wolgroth areal

Di schönschtä Gschichtä schribt di Stadt

Sich a dä Räntä chli la gah

 

Ändlos vil gschichtä schribt di Stadt

Vor dä Langstrass bis i di Rot Fabrik

Di schönschtä Gschichtä schribt di Stadt

Schwizermeister Helvetiaplatz