Kapällä Vörig

Kei Stress im Zug, kei Stämpflrei – nei ich schaffä hüt dihei

kei Grossrumbüro-gschrei, kaffi machinä isch mir ällei

- kei Mensafraas juhei

Frisour diä formt sich au, ganz von ällei und s’Pischi chläbt a minä Bei

Und d’Chatz diä jubläd au, Schreichälservice nöd im Stau

– nei ich blib hüt dihei

Refrain:

Ja 5 minutä nachdem ich us äm Bett usä ghei, ja da bin ich parat

– ja so parat

Uf’d Symiosä mit mim Compi ich mich freu – im Homeoffice dihei

..ich schaff dihei..

 

Jetzt hopp ufrüstä – Infrastruktur neu – für‘s Homeoffice dihei

Än 40 zoll Bildschirm, Gamerstuäh branneu – das gönn ich mir allei

Ä scharfi Kamera – Gurkämaskä, Crämli dra – ab jetzt wird hübsch parliärt

Und wird langwillig referiert, dänn wird glichzytig hart trainiert

- ich bin ja so parat

Ja 5 minutä nachdem ich us äm Bett usä ghei, ja da bin ich parat

- ja so parat

dä Symiosä mit mim Compi blib ich treu – im Homeoffice dihei

- ich blib dihei

 

​

Im Homeoffice dihei - ich schaff dihei

Füäss uf dä Tisch und take-away zum z‘Mittag frisch – und äs Schläfli nach äm Gricht

Oh Haferbrei, Babygschrei mini d‘Ruä durchbricht – mach blos all Türä dicht

Dä Chef meint optimier, Performance erodiert – ja was weiß dänn scho de?

Na guät, ich mach mi schlank - ich suäch de Rank – ich reorganisier

 

Diä 5 minutä diä spar ich mir jetzt au, zum Homeoffice dihei

– diä spar i au

Ich han mis Homeoffice is Bett migriert – zum Bettoffice dihei 

Ich blib im Bett - Tatattatt – ich blib im Bett

Bin total uf Effizienz konditioniert – im Homeoffice dihei  - ich schaff dihei 

 

Wänn i nu wüsst winni de Kamera Hindergrund chönt verändärä

Im Homeoffice dihei