Kapällä Vörig

Di eintä di wänd tschilä,  chli hängä

Sich im Liegestuhl usbreitä, eifach gleitä

Än Tag im Meeräsrusch, i fettä Büächer wälzä,

chum nöd mit program - entspann

 

Di anderä di wänd Action, dä Alltag de isch öd,

Erläbnis münd jetzt anä, Adrenalin wo’s anäghört

Bikä, Hikä, Chläterä, Ski turä machä

bis ad Gränzä gah und am abig Party machä

 

Villicht söt ich mal i’d Feriä ganz ällei,
kei paralell interessä, kei Ribärei,

Kä Stress bim disskusionä, kän suri Stei, numän ich ällei

 

Das wär nur numä halb so wild, gäbt’s nöd no diä,
wo mit Massäturiwaffä, gönd go Kultur gaffä

Diä reisäd dänn dur Ländär, sie chöntät’s au in Zoo

Um jedi Sehenswürdigkeit vor Kamera überzcho

 

Und dänn no d’Überplaner, besorgt im blibä gsund

Vertrauäd nur sich sälbär, ängstlich s’lauft nüt rund

dihei isch alläs besser, I dä Fremdi klapp ja nüt

jetzt ha mi grad entschidä - genau weg denä Lüt

 

Ich söt doch mal i’d Feriä ga, ganz ällei,
uf d’Alp go Yoga machä im Alpstei

I’d Kloster-Schweigewuchä, stah uf eim Bei -
eifach ich ganz ällei

 

Villicht söt ich mal i’d Feriä ganz ällei,
kei paralell interessä, kei Ribärei,

Kä Stress mit disskusionä, kän suri Stei –

numän ich ällei

​