Tannäwald

TannäwaldKapällä Vörig
00:00 / 03:07

Tannäwald - Songtescht:

Än Tag voll Schweiss - voll verdräckt - Waldsdräck i dä Haar

Ich fühl mi wiä dä Beat Breu – nach äm Spagat

Ab unter Duschi, d’Frau chunt innä ich verzellärä dä ganzi Tag

d’Haar sind gstrählt jetzt meint si nur

Ich gah – aber schwätz wiitär

 

Corona stress - äs lütät oh herje – äs isch dä Chef

Ich muäs äm prichtä was so lauft und er ganz nett

I einnärä Ruäh lost er mim 20 minutä Monolog

Bis i merk er isch us dä Leitig g’spickt, isch mir glich

– ich schätz wiitär

 

Ich ghör mi gär redä – ändlich losäd ali zuä

Ich cha mich i minä usfüährigä verstrickä – und ali lönd mi in ruäh

Ich bi ändlich wichtig – Ich bin ändlich än geilä Siäch

Villicht hät i doch söllä Pfarrär wärdä – im Emmital Milchbachfluäh

 

Oder Lehrer si vor Chind wo meinäd - ich sig ganz schlau

Ich verzellä dä Chindä dänn Sachä diä wet niemär wüssä ganz genau

Flügerli, Gümmeli und Zättäli - blödi Sau

Subkultur im Klassäruum – isch mir glich – dann ich schwätzt witär

 

Vilicht dänn im Altersheim – keis Gpähnli än Jungspunn

Karaoke äm Wiänachtsässä und alli sind müsli stumm

Da han i ändlich Publikum - furchtbar eregiert

Flüchtwäg schlüssä, Entätanz… und ich singä wiiter

 

Ich ghör mi gär redä – ändlich losäd alli zuä

Ich cha mich i minä usfüährigä verstrickä – und ali lönd mi in ruäh

Ich bi ändlich wichtig – i bin ändlich än geilä Siäch

Villicht hät ich doch gschidär söllä Pfarrär wärdä

– im Emmital Milchbachfluäh

 

Oder grad uf Bärn gah, di ganz Schwiiz als Publikum

Vo lings gägä rechts oder rächts gägä lings wettärä

Im Vollgas Stereo-Schwung

Doch leider het dä Boiler – grad ä Heizkrisä gha

Und z’Ässä isch grad parat gsi und dä Pöstlär het au no wellä än Chribäl ha

 

Drum bini jetzt halt Förster - in Josephsteig bi Mattwald

Und mis Publikum isch dä Tannäwald

ja mis Publikum isch dä Tannäwald

De het Geduld wiän äs Chalb

Ja dä Tannäwald - halt