Kapällä Vörig

Mir händ Imperialistä – geostrategischä Opportunischtä

Und Narzischtä - demänti Karierä-Bürolischtä

Und Autokratä – Di sägäd wo’s durägaht, lönd nüt abratä

Und zu all dem tristä – Waffälobbyistä

  

Ja äs isch zum Hülä – ja zum Chotzä  / zum Schiisä – i’d Tischkantä biisä

Weli Dublä stelläd dänn da d’Weichä  / Mir entgleisä - wo sind di Weisä?

 

und dänn hämmär di Hohlä – mit äm Läbänsmotto «eifach Cholä rollä»

Und d’Überwachär – Cyber-schnüffler und Droonä-gaffär

Und di Ignorantä – meinäd d’Weisheit diä ghört innä und irnä Verwandtä

Und d’Besserwüssär, diä kännäd nur eis – ich ha rächt und du verzellsch sheiss

 

Ja äs isch zum Hülä – ja zum Chotzä  / zum Schiisä – i’d Tischkantä biisä

Weli Dublä stelläd dänn da d’Weichä  / Mir entgleisä - wo sind di Weisä?

 

Ohh – Winnetou, bring d’Fridänspfifä, wo bisch du?

Ohh – Winnetou, mir entgleisä – ohni di Weisä?

 

Diä Kuglä fahrämär ad Wand – im Wältall unerkannt

Diä Kuglä fahrämär ad Wand – mit Schwung ganz elegant

 

Äs isch zum Hülä – ja zum Chotzä  / zum Schiisä – i’d Tischkantä biisä

Weli Dubälä stelläd dänn da d’Weichä  / Mir entgleisä - wo sind di Weisä?

Äs isch zum goisä – ja zum schreiä  / zum wäglaufä – d’ Haarä raufä

Weli Glön stelläd dänn da d’Weichä  / Mir entgleisä - wo sind di Weisä?

 

Ohh – Winnetou, bring d’Fridänspfifä Mann, wo bisch dänn du?

Ohh – Winnetou, rüäf dä Rat zämä, wo blibsch jetzt du?

Ohh – Winnetou, stopf Pfifä mit, Entspannigs-Chrut?

Ohh – Winnetou, mir entgleisä – ohni di Weisä

​