Kapällä Vörig

Wo bin i da? - Songtescht​

Verse:

Ich häng uf äm sofa chli am chillä – dräh grad ä tütä

Da chunt öppär grausam hantnächkig a dä Türä go lütä  

ja das söt mä doch verbütä - grad äm mittag, nach äm ässä - oja

Sisch d’Frau Meier, si staht uf äm Gang - hochrot agloffä si isch am Chochä

d’ wöschchui sig nöd putzt, nöd uufgno und z’lang gnutz

Si schiist mi zämä winäs Büäbli, än Spargel und äs Ruäbli…  Oja

 

Chorus:

Jetzt stahn i da..

Schwitzär-Blockfolklorä und ich Dubel muss voll dri stah

Diä Reglä hanni sicher ida schulä scho verpennt gha – Wo bin in da?

 

Verse 2:

Han dän g’frägt über welläs Gesetz - sich diä uslegig erstreckt

Da isch si ab winnä Raggetä ohni countdown ohni feetä

Was mir dänn ifallt z’widärsprächä – sie sig doch scho da gebohrä i dennä Wänd - Oherje

Und überhaupt das mit äm Duschä nach äm 10 göch ja gar nöd – sig verbottä

Und dä Chlätterhanf dög stinkä i dennä wohnigä gäbs nur Finkä

und diä Fetä macht ährä Sorgä mit denä Drogä bis am morgä

 

Chorus 2:

Jetzt stahn i da? Schwitzär-Blockfolklorä und ich Dubel muss voll dri stah

Diä Reglä hanni sicher idä Schuäl scho verpennt gha

Wo bin i da? Schwitzär-Blockfolklorä – lah mi zrugg zum Sofa gah   

Zum Glück het jedä Film ämalä no äs Änd, ja – Wo bin in da?

 

Chorus 3:

Jetzt stahn i da? Schwitzär-Blockfolklorä und ich Dubel muss voll dri stah

Diä Reglä hanni sicher idä Schuäl scho verpennt gha

Wo bin i da? Schwitzär-Blockfolklorä - lah mi zrugg zum Sofa gah  

Zum Glück het jedä Film ämalä no äs Änd, ja – Wo bin in da?