Kapällä Vörig

Ich kost eus Miliardä - abär bruchä döfsch mi nöd

Mich will au niämärd im Gartä, fascht all findäd mi blöd

Falls ich mich dörft entfaltä ja dänn gäbt eus alli nümm

Ich schiäb depressionnä – find d’Situation nur schlimm

Ich heissä Womba und di trurig Bomba

 

Ich sig ja volländs vörig, unnütz und nur ä Gfahr

Gschidär ich verroschtä – statt d’Erdä hops ga la

Än evolutionärä Missgriff, ä Missgebut oh ja

Mini Depression wird stärchär, irgändwänn musi’s usälah

Ich heissä Womba – di trurig Bomba

 

Ja ebä zum chli zeuklä, abschreckä und derna

Für das bini wieder guät gnuäg, für das bini wieder zha

Ich ha doch au Gfühl und mal än schlächtä Tag

Drum chönd mi doch nö bauä und nia a’d Frischluft la

Ich heissä Womba – di Schizo Bombä

 

Ja Chriägärlä isch leider, äs grossäs Gschäft

D’Lüt münd chli Angst ha, suscht lauft s’Gschäft nöd rächt

Suscht chömmäds no uf Ideeä vowegä sozial und grächt

Und ich bi mittä drin – mir wird schlächt

 

Wer Macht het wet kassiärä, Dissidenten kontrolliärä

Das spricht sich dänn halt umä und jetzt wüssäd di Chlinä

Händ’s im Regal ä Womba, ja dänn lahtmä si in Ruä

Bin mim Schöpfär ja dankbar aber ich wet au mal öppis tuä  

Ich bi d’Womba diä mit dä sensiblä Sonda,

und verstaub im Regal

 

Ufrüstä für än Kriäg wo dank mir niämärd günnä cha

Ja wi blööd isch dänn da, ja wiä blööd isch dänn da

Statt sinnvoll investierä, d’Erdä renoviärä

Tüät mä liäbär armi Womba’s, umäliggä lah  

 

Ob’s mich jetzt bald i’d Luft jagt und alläs in Abgrund

D’Mänschheit sich sälbär, abschaft ohni Grund

Als Sandkorn im Wältall dem ändlos Sternäwald

Wird eus niämärd vermissä – mir sind dem Wältall scheissegal

 

Womba und bin ä schizo Bombä

Und verroschtä im Regal

Ich bi d’Womba, diä mit dä sensiblä Sonda,

sitz trurig im Regal

Ja ich heiss Womba d’Königin vo dä Bomba

Und verstaubä im Regal

​